Nëntë raste të nxënësve të infektuar me salmonelë nga Komuna e Karposhit në Shkup janë raportuar në Qendrën për Shëndet Publik.
Fjala është për nxënësit e shkollave fillore “Vlado Tasevski”, “Jan Amos Komenski”, ndërsa një rast e ka raportuar “Vojdan Chernodrinski”. Sipas informacioneve të prindërve, bëhet fjalë për fëmijët më të vegjël, nxënës nga klasa e parë deri në të tretën. Salmoneloza është një sëmundje e shkaktuar nga ushqimi që zakonisht lidhet me konsumimin e vezëve dhe është një problem i rëndësishëm i shëndetit publik.
