Ekspertët e sigurisë kibernetike kanë zbuluar një aplikacion spiun celular që synon telefonat inteligjentë Android.
Zbulimi më i fundit i softuerit spiun celular, i quajtur LianSpy, synon telefonat inteligjentë Android në Rusi.
Megjithatë, metodat jokonvencionale të gjurmimit të të dhënave të përdoruesve mund të aplikohen edhe në rajone të tjera, që do të thotë se të gjithë përdoruesit e Android duhet të jenë në vëzhgim.
LianSpy u zbulua në mars të vitit 2024, dhe ka qenë aktiv për një kohë të gjatë, duke vepruar në hije për të paktën tre vjet, shkruan The Sun.
Ndryshe nga spyware të tjerë, LianSpy kërkon që përdoruesi të ndërmarrë veprime të caktuara në mënyrë që të nisë plotësisht dhe të integrohet në telefonin e përdoruesit.
Pas nisjes, malware kontrollon nëse ka “lejet” e nevojshme për të përdorur mbivendosjet, për të lexuar kontaktet dhe për të hyrë në regjistrat e thirrjeve.
Nëse nuk ka asnjë, spyware do të “kërkojë” leje nga përdoruesi, duke u maskuar si një aplikacion sistemi dhe një aplikacion i shërbimeve financiare për ta arritur këtë.
LianSpy nuk do të largohet së shpejti, duke pasur parasysh se hakerët po bëhen më të sofistikuar ndërsa teknologjia evoluon.
Megjithatë, ka disa hapa kyç që përdoruesit, veçanërisht pronarët e telefonave Android, mund të ndërmarrin për t’u mbrojtur nga spyware.
Shkarkimi i aplikacioneve vetëm nga dyqanet dhe katalogët zyrtarë është një fillim i mirë, por spyware ende arrin të depërtojë edhe në to.
Një rregull i përgjithshëm për t’u ndjekur është të shkarkoni vetëm aplikacionet që ju nevojiten dhe të siguroheni që të shkarkoni aplikacione nga burime të besuara, të tilla si kompani ose marka legjitime.
