Kompania ESM (Elektranat e Maqedonisë së Veriut) nesër në Qeveri do të dorëzoj llogarinë e re për çmimin e ri të energjisë elektrike.
Sipas informacioneve të Telma, analizat e ESM (Elektranat e Maqedonisë së Veriut) tregojnë se nëse në periudhën e ardhshme e shesin energjinë elektrike me një çmim prej rreth 70 euro për megavat orë, kompania nuk do të operojë me fitim apo humbje, por do të jetë në zero.
Përllogaritjet e bëra nesër nga termocentralet shtetërore do t’i dorëzojnë Qeverisë, e cila në një seancë të mbyllur do të vendosë se me çfarë çmimi ESM do t’ia shesë energjinë elektrike EVN HOME në gjashtë muajt e ardhshëm.
Aktualisht një megavat orë kushton 56 euro.
Sa do të jetë çmimi i ESM-së do të varet më së shumti nga faturat e energjisë elektrike që qytetarët do të paguajnë deri në fund të vitit.
Dhe kur është bërë korrigjimi i mëparshëm, llogaritjet e ESM-së kanë treguar se 70 euro për megavat orë është çmimi real për shitjen e energjisë elektrike nga termocentralet shtetërore.
Ndërkohë, rregullatori po shqyrton përllogaritjet nga kompanitë e tjera energjetike që i kanë dorëzuar javën e kaluar.
Është analizuar se në cilën periudhë të ditës do të mund të përdoret energjia elektrike e lirë. Plani është që të jetë dy orë.
Sipas spekulimeve në qarqet energjetike, me shumë gjasa energjia elektrike e lirë ditore do të jetë në periudhën 13-16, por të gjitha detajet për këtë avantazh do të dihen pas rreth dy javësh.
Rikthehet energjia elektrike e lirë ditore, por nga ana tjetër qeveria paralajmëroi edhe rishikimin e TVSH-së nga 10 në 18 për qind aktuale.(INA)