Iniciativa “Të gjithë për Palestinën” do të organizojë marshim proteste për të shprehur solidaritet me popullin palestinez dhe për të shprehur jopranimin e gjenocidit në Gazë.
Ngjarja do të zhvillohet nesër, më 18 tetor 2025, duke filluar nga ora 12:00, para monumentit “Simfonia e Paqes” në sheshin e Lirisë.
Marshimi do të vazhdojë nëpër zonën qendrore të qytetit dhe do të përfundojë para ndërtesës së Qeverisë së Republikës së Maqedonisë së Veriut.
Përfaqësuesit e iniciativës “Të gjithë për Palestinën” do të jenë në dispozicion për deklarata për mediat në pikat e fillimit dhe të mbarimit të marshimit.
Ngjarja është pjesë e një lëvizjeje globale solidariteti me Palestinën, e cila tani po tërheq vëmendjen ndaj nevojës urgjente për qasje të papenguar humanitar në Gazë, si dhe ndaj një rindërtimi të drejtë të udhëhequr nga populli palestinez. Organizatorët theksojnë se mbyllja ose kushtëzimi i ndihmës humanitare është një shkelje e ligjit ndërkombëtar dhe se qeveritë dhe institucionet ndërkombëtare duhet të sigurojnë mbikëqyrje dhe përgjegjësi për çdo pengesë të ndihmës.
Qëllimi i protestës është të kujtojë se paqe pa liri nuk ekziston dhe se drejtësia për Palestinën është një parakusht për një botë të drejtë.
