Newcastle ka shënuar fitoren e parë pas katër humbjeve rresht në Premier League të Anglisë. Newcastle mposhti të martën mbrëma në udhëtim Aston Villan me rezultatin 3:1, në kuadër të javës së 22-të të elitës së futbollit anglez.
Fabian Schar shënoi dy gola të shpejtë. Të parin në minutën e 31-të, kurse të dytin pas katër minutave.
Me autogolin e Alex Morenos në minutën e 52-të, Newcastle krijoi epërsi 3:0.
Aston Villa shënoi golin për 3:1 në minutën e 71-të. Golin e realizoi Ollie Watkins.
Newcastle është në vendin e shtatë me 32 pikë, derisa Aston Villa në vendin e katërt me 43 pikë.
