Arabia Saudite po kthehet në një oazë për lojtarët që janë në fund të karrierës. Pas C.Ronaldo-s dhe Karim Benzema, të njëjtin fat pritet të kenë edhe yje të tjerë.
Al-Hilal pasi dështoi të siguronte shërbimet e Leo Messi-t është vënë në ndjekje të një tjetër lojtari të PSG, bëhet fjalë për Neymar.
Sipas mediave braziliane, O Ney do të pranonte me kënaqësi një ofertë prej 200 milionë euro në vit, aq sa përfiton CR7.
Nuk është kundër këtij largimi as PSG. Neymar është mërzitur në Paris, Parisi gjithashtu është mërzitur nga Neymar, të dy palët kërkojnë t’i japin fund bashkëpunimit, pavarësisht se kanë një kontratë deri në 2025. PSG do të përfitonte 45 milionë euro nga shitja e Neymar, ndërsa braziliani 200 milionë euro në vit. Jo vetëm oferta nga Arabia Saudite, për Neymar interesohen edhe dy klube në Premier League, Chelsea dhe Newcastle.
