Nga fundjava në Maqedoninë e Veriut pritet përkeqësimi i motit dhe reshje shiu, ndërsa në vendet më të larta malore edhe reshje bore. Këto janë parashikimet e Entit Hidrometeorologjik.
Ndërkohë, në dy ditët në vijim moti do të jetë stabil, nesër me erë mesatare deri të fortë veriore (herë pas here me shpejtësi mbi 60 km/h). Temperaturat e mëngjesit do të jenë më të ulëta dhe ato ditore do të rriten.
Nën ndikimin e valës së re të lagësht dhe të ftohtë nga e shtuna në fund të ditës do të ketë reshje shiu, ndërsa në male dhe vendet më të larta borë. Më shumë reshje shiu priten të dielën.(INA)
