Nënkryetari i VMRO-DPMNE-së, Aleksandar Nikollovski, në emisionin “Intervistë në SHENJA”, tha se presidenti Stevo Pendarovski është president i cili e rrëzon pozitën e presidentit. Nikolovski këtë e tha në kontekstin e deklaratës së presidentit Pendarovski për kërkesën që ka ardhur në adresë të tij për amnistimin e Nikolla Gruevskit.
Sipas tij, kërkesë për të amnistuar Gruevskin ka patur nga pushteti.
“Është bërë nga më shumë njerëz në një takim, me njerëz të LSDM dhe BDI-së, ku ka qenë edhe presidenti aty. Dhe ai këtë e tha vetëm. Pyetja është tani se kush e ka kërkuar këtë, dhe tani ai këtu mbetet. Për shkak se nëse tregon kush ja ka kërkuar i rrënon themelet e kandidaturës së tij, ngase pret përkrahje, nëse hesht i bie që gënjen dhe shpik gënjeshtër”, tha Nikollovski. /SHENJA/
