E ardhmja është në implementimin e zgjidhjeve teknologjike inovative bashkëkohore. Sektori bujqësor duhet të modernizohet dhe të mbështetet me fluks të shpejtë të informatave, shënoi në profilin e tij në Fejsbuk ministri kompetent Lupço Nikollovski.
Ai sot në Fakultetin për Shkenca Bujqësore dhe Ushqim mbajti takim me përfaqësuesit e bashkësisë akademike dhe sektorin e biznesit.
“E përshëndes dhe përkrah idenë për projektin “Specializim i mençur” zbatimi i së cilës do të mundësojë konkurencë më të madhe të prodhimtarisë vendore përmes teknologjive të reja. Prodhimtaria bujqësore do të modernizohet dhe do të zvogëlohen shpenzimet prodhuese”, citon ministri.
Sipas tij, MBPEU gjatë krijimit të politikave zhvillimore vendos theks në profesionistët e rinj bujqësor përmes projekteve të tilla.
“Zgjidhjet moderne dhe inovacionet duhet të jenë shtytës në zhvillim dhe t’i sjellin ndryshimet pozitive në shoqëri”, nënvizon ministri Nikollovski.
