Në seancën e sotme, me propozim të Ministrisë së Bujqësisë, qeveria miratoi masën e ndërhyrjes për grurin dhe elbin, pra për të mundësuar mbështetjen e magazinimit nga korrja e vitit 2023. Kështu ka bërë të ditur sot ministri i Bujqësisë Ljupço Nikollovski, i cili sot ishte për vizitë në Sveti Nikollë.
“Në seancën e sotme të Qeverisë do të miratohet masa e përkohshme nga Ligji për Bujqësi dhe Zhvillim Rural për deponimin e grurit dhe elbit. Masa intervenuese ofron mbështetje për fermerët për deponimin e elbit dhe grurit brenda nëntë muajve, ndërsa më parë kjo mbështetje ka zgjatur dy muaj”, tha Nikollovski.
Ai ka shpjeguar se kjo masë realizohet përmes Programit për pagesa direkte dhe ka për qëllim që bujqve t’u ofrohet një siguri më e madhe dhe të shesin grurin dhe elbin kur të kenë çmimet më të mira të blerjes.
“Subvencionimin e deponimit të grurit dhe elbit në depo për nëntë muaj, që do të thotë 120 denarë për ton në muaj. Është mbështetje për të gjithë bujqit”, tha Nikollovski. Top24
