Në kuadër të instrumenteve që i ofroi Ballkani Perëndimor, sot në Beograd ministri i Bujqësisë, Pylltarisë dhe Ekonomisë së Ujërave Lupço Nikollovski në takim pune me zëvendëskryeministrin dhe ministrin e Bujqësisë Branislav Nedimoviq, nënshkruan marrëveshje që në 7 deri në 10 ditë të hiqet ndalesa për eksport nga Serbia në Maqedoninë e Veriut për prodhimet e grurit, misrit, miellit, vajit dhe të fillojë dëgesa e sasive që janë dakorduar midis partnerëve ekonomikë nga dy shtetet, njofton korrespondenti i MIA-s nga Beogradi.
“Sot në Beograd, në kuadër të instrumenteve që i ofron Ballkani i hapur, u takuam me zëvendëskryeministrin serb Branislav Nedimoviq, ku në takim u arrit marrëveshje në 7 deri në 10 ditët e ardhshme të hiqet ndalesa për eksportin nga Serbia në Maqedoninë e Veriut të produkteve të grurit. misër, miell, vaj gatimi. Kjo do të thotë se do të zbatohen të gjitha marrëveshjet e partnerëve tanë ekonomikë nga të gjitha odat ekonomike, do të hiqet ndalimi dhe do të dërgohet një letër për sasitë e dakorduara, sot nga kryeministri i Qeverisë së Maqedonisë, kryeministrit serb, me qëllim që në 7 ditët e ardhshme të hiqet ndalimi i eksportit nga Serbia, siç është rënë dakord në këtë takim”, deklaroi ministri Nikolovski pas takimit.
Sipas Nikollovskit “kjo do të thotë se Maqedonia e Veriut do të ketë sasi të mjaftueshme të këtyre kulturave strategjike, deri në korrjet e ardhshme dhe qytetarët duhet të jenë të qetë”.
“Punojmë në tregje alternative dhe maksimalisht janë të përkushtuar të sigurojmë sasi të mjaftueshme të grurit, misër, miell, vaj për nevojat e çdo familje në Maqedoninë e Veriut”, tha ministri Nikollovski në Beograd.
Në seancën e Qeverisë serbe më 10 mars u soll vendim për ndalesë të përkohshme të eksportit të produkteve ushqimore bujqësore bazë të rëndësishme për popullatën – drithërat e grurit, miell gruri, misri dhe vaji i lulediellit, në mënyrë që t’i përgjigjet me kohë trazirat e tregut dhe kërkesa në rritje për shkak të konfliktit ushtarak në Ukrainë.
