Ministri i Punëve të Brendshme, Oliver Spasovski thotë se tashmë ka të dyshuar që mund të jenë autorë të incidentit të armatosur në qendrën tregtare “East Gate Mall” në Shkup.
Ai për Kanal 5 tha se po punohet intensivisht për mbledhjen e informatave dhe dëshmive për incidentin në kuadër të shtabit special që është themeluar në Sektorin e Punëve të Brendshme-Shkup, përcjell INA.
” Sigurisht që ideja dhe një nga mundësitë në hetimet penale është që me publikimin e fotos të merren sa më shumë prova për një gjë të tillë dhe pikërisht për këtë është bërë ai hap. Në këtë drejtim, mendoj se çdo lajm i konfirmuar, informacion që vjen nga institucionet është informacioni i duhur. Kështu, ka pasur dhe do të ketë shumë spekulime, shumë shkrime në rrjetet sociale – por është e rëndësishme që ato informacione të merren nga institucionet përkatëse. Sa herë që kemi diçka të re, do të dalim gjatë hetimeve”, shpjegoi ai.(INA)
