Një person ka humbur jetën, ndërsa dy janë lënduar pasi automjeti “Suzuki” me të cilin po udhëtonin ka dalë nga rruga Leski – Zërnovci, afër Koçanit, njofton MPB-ja.
“Më datë 16.08.2024 rreth orës 17:20 në Stacionin Policor Koçan është raportuar se në rrugën rajonale fshati Leski – fshati Zrnovci, rrethinën e Koçanit, automjeti i pasagjerëve “Suzuki” me targa të Vinicës, i drejtuar nga R.S (62). fshati Viniçka Kërshlla, Komuna e Vinicës, ka dalë nga rruga. Nga aksidenti është lënduar rëndë pasagjeri S.A.(55) nga fshati Viniçka Kërshlla, i cili është dërguar në Spitalin e Shtipit, ku më pas ka ndërruar jetë. Ndërkaq, lëndime të lehta ka marrë shoferi dhe pasagjeri tjetër M.S (60) nga fshati Viniçka Kërshlla, konstatuar në spitalin e Koçanit”, theksojnë nga MPB-ja.
Ekspertizë në vendin e aksidentit ka kryer ekipi inspektues i Departamentit të Policisë së Koçanit dhe me urdhër të Prokurorit Publik, trupi i pajetë i të ndjerit është dorëzuar për obduksion.
