Një vit nga pushtimi rus i Ukrainës, nata që ndryshoi përgjithmonë botën

Iliria News Agency
Iliria News Agency

24/02/2023

Sot është bërë saktësisht një vit nga ngjarja që ndryshoi botën – fillimi i pushtimit rus të Ukrainës.

Në agresionin brutal rus kundër Ukrainës, mijëra njerëz vdiqën, miliona u zhvendosën dhe qytetet ukrainase u shkatërruan, ekonomia u rikthye me dekada prapa. Një vit më vonë, nuk ka asnjë shenjë paqeje. Gjithçka tregon për një luftë të zgjatur dhe gjithnjë e më të përgjakshme.

E në kuadër të një-vjetorit të luftës ruse, Presidenti Volodymyr Zelensky e ka nisur këtë të premte (24 shkurt) me një mesazh të fortë dhe bindës se viti 2023, do të jetë viti i fitores së Ukrainës.

“Më 24 shkurt, miliona prej nesh bënë një zgjedhje. Jo një flamur i bardhë, por ai kaltër e verdhë. Jo duke ikur, por duke u përballur. Duke rezistuar dhe luftuar. Ishte një vit dhimbjeje, pikëllimi, besimi dhe bashkimi. Dhe këtë vit, ne mbetëm të pathyeshëm. E dimë që viti 2023 do të jetë viti i fitores sonë?”, tha Zelensky.

Gjatë ditës së djeshme, Asambleja e Përgjithshme e OKB-së miratoi me shumicë dërrmuese një rezolutë ku bën thirrje për “paqe gjithëpërfshirëse, të drejtë dhe afatgjatë” sa më shpejt që të jetë e mundur në Ukrainë, në përputhje me parimet e Kartës së OKB-së.

Me 141 vota pro, 7 kundër dhe 32 abstenime, vendet anëtare mbështetën tekstin e paraqitur nga Ukraina ku theksohej rëndësia e arritjes së paqes. Rezoluta gjithashtu përsërit kërkesën e asamblesë që Rusia “të tërheqë menjëherë, plotësisht dhe pa kushte të gjitha forcat e saj ushtarake nga territori i Ukrainës në kufijtë e saj të njohur ndërkombëtarisht, si dhe bën thirrje për ndalje të luftimeve”.

Në anën tjetër një vit nga momenti kur Rusia vendosi të sulmojë ushtarakisht Ukrainën, Vladimir Putin doli në një konferencë për shtyp për të bërë bilancin e këtij agresioni.

Ai e drejtoi gishtin drejt Perëndimit dhe shtoi se lufta mund të ishte evituar.

“Ne po bënim gjithçka që ishte e mundur për ta zgjidhur këtë problem me Ukrainën në mënyrë paqësore, duke negociuar një rrugëdalje paqësore nga ky konflikt i vështirë, por pas shpine po përgatitej një skenar krejt tjetër. Ata thjesht po luanin me kohën, duke mbyllur sytë ndaj vrasjeve politike, keqtrajtimit të besimtarëve,” tha ai. /Reporteri.net/

TË FUNDIT

ME TE LEXUARA

LEXO MË SHUMË

vucic un

Vuçiq dhe përfaqësuesi rus ankohen për të mbijetuarat e luftës që Osmani i mori në seancë

shiu shkup

Nesër valë e lagësht me erë të fuqishme dhe reshje mbi 20 litra në metër katror

vucic okb

VIDEO/Reagimi i Vuçiqit kur Osmani flet për Fahrije Hotin, Vasfije Krasniqin, Elhame Muçollin e Shyhrete Tahirin

policia-tetoves-spb-mpb

SPB Tetovë i përgjigjet Lëvizjes Besa për akuzat

vjosa osmani okb un

Osmani në KS të OKB-së: Elhame Muqolli ishte vetëm 14-vjeçe kur forcat serbe vranë dhe dogjën 53 civilë

Kongresi Senati Amerikan SHBA

Në ankth për Ballkanin, SHBA-ja aspiron angazhim të shtuar

lindita ahmeti

ITSHKSH përkujtoi studiuesen Lindita Ahmeti

vucic kurti

Vuçiq ankohet në OKB: punët e Maqedonisë së Veriut s’i pengon Serbia, por Albin Kurti

mira murati

Mira Murati bëhet zyrtarisht pjesë e Akademisë së Shkencave të Shqipërisë

INFO

NA NDIQ