Presidenti Stevo Pendarovski beson se Maqedonia e Veriut nuk do të rrënohet nëse komuniteti i vogël etnik bullgar bëhet pjesë e Kushtetutës së vendit.
“Shteti nuk do të rrënohet nëse në Kushtetutë përfshijmë bullgarët, të cilët janë pak më shumë se 3 mijë vetë. Nuk do të rrezikohet sovraniteti i Maqedonisë, as rruga evropiane nëse bëhet ky hap”, theksoi Pendarovski, duke përcjellë mesazhin për nevojën e arritjes së shumicës së nevojshme prej dy të tretave në Kuvend për ndryshime kushtetuese.
Ai theksoi nevojën e bisedimeve me opozitën. “Nuk ka qasje tjetër përveç bisedimeve”, tha Pendarovski. Ai nuk përjashtoi që të ftoj partitë në takim liderësh për të diskutuar këtë çështje. Por deri tani VMRO-DPMNE ka bërë të ditur se nuk do të marrë pjesë në grupet e punës për hartimin e amendamenteve kushtetuese. (INA)
