Barcelona e nis sezonin 2024/25 në Ligën e Kampionëve të enjten me një udhëtim në Monaco, ku trajneri Hansi Flick ka shprehur besimin se mund ta fitojnë.
Katalanasit shkojnë në këtë ndeshje në formë fantastike, pasi i kanë fituar të pesë ndeshjet e tyre në La Liga deri më tani këtë sezon.
Vitet e fundit, Barcelona ka pasur vështirësi në Evropë. Kalimi në sezonin e kaluar në fazën çerekfinale të Ligës së Kampionëve ishte më i miri i tyre në pak kohë, dhe Hansi Flick do të shpresojë ta përmirësojë këtë gjatë sezonit të tij të parë në klubin e njohur.
Gjatë konferencës së tij për shtyp përpara ndeshjes me Monacon, ai pranoi se nuk ndihej i shqetësuar për betejat e fundit evropiane të klubit.
“Nuk më intereson e kaluara, duhet të fokusohemi në të tashmen. Skuadra ka pasur një rekord të plotë fitoresh në La Liga dhe ne kemi besim. Ne kemi nevojë për agresivitet dhe përqendrim, kjo është ajo që duhet në një garë si Liga e Kampionëve. Pesë fitoret janë tashmë në të kaluarën dhe ne duhet të dëshmojmë veten në këtë kompeticion”.
https://x.com/FCBarcelona/status/1836470199840891249?ref_src=twsrc%5Etfw%7Ctwcamp%5Etweetembed%7Ctwterm%5E1836470199840891249%7Ctwgr%5E90211fad78e33c4b9cc92b91c5788259836d44c3%7Ctwcon%5Es1_&ref_url=https%3A%2F%2Ftelegrafi.com%2Fnuk-intereson-e-kaluara-barcelona-trofe-flick-hap-luften-per-trofeun-e-liges-se-kampioneve%2F&mx=2
“Një klub si Barcelona, si klubet e tjera të mëdha, duhet të dëshirojë të fitojë tituj. Liga e Kampionëve është kompeticioni më i mirë në botë. Duhet të jemi gati për të luajtur kundër skuadrave më të mira, por nëse nuk jeni 100% të fokusuar, nuk keni vend në këtë garë”, ka thënë Flick.
