Ish-banori i Big Brother VIP Albania, Redon Berani, ka reaguar pas përfundimit të televotimit për rikthimin e banorëve në shtëpi, ku nuk arriti të sigurojë votat e mjaftueshme për të vazhduar lojën.
Në një postim në rrjetet sociale, ai shprehu mirënjohjen për të gjithë ata që e mbështetën dhe e votuan, duke theksuar se dëshironte të rikthehej si një lojtar i vetëm, por fati nuk ishte në anën e tij.
“Faleminderit shumë për përkrahjen e secilit prej jush që votuat për rikthimin tim në Big Brother VIP. Kisha shumë dëshirë që kësaj here të vazhdoja lojën si lojtar i vetëm, por nuk e deshti fati. Ju dua shumë dhe ju uroj gjitha të mirat!” – shkroi Redoni.
