Komisioni Qendror i Zgjedhjeve ka përditësuar rezultatet e partive politike nga votat me kusht. Përditësimi i fundit u bë mbrëmë në orën 23:02.
Nga rreth 80% të votave të numëruara, Vetëvendosje ka dalë e para me 40.21% të votave. Pak më pak se që ka marrë nga votat e rregullta ku kishte 40.90%.
Partia Demokratike e Kosovës ka siguruar deri më tash 18.11% të votave, kurse LDK-ja 13.54%.
Befasia më e madhe është Lista Serbe, e cila deri më tash ka më shumë se 11.3% të votave, duke u renditur mbi koalicionin AAK-Nisma.
Ky koalicion ka 6.21% deri më tash.
