Nvidia ka arritur një rekord të ri duke u bërë kompania e parë në botë që arrin një vlerë prej 5 trilionë dollarësh. Prodhuesja më e madhe e çipave është kthyer tashmë në një titan të Inteligjencës Artificiale dhe euforia për potencialin e saj shton kërkesën për çipa dhe rrit aksionet e kompanisë në vlera rekord. Në qershor të vitit 2023 kompania arriti vlerën 1 trilionë dollarë dhe vetëm 3 muaj më parë, 4 trilionë.
Aksionet në të u rritën me 5.6% në më shumë se 212 dollarë mëngjesin e së mërkurës, ndihmuar edhe nga optimizmi i investorëve për shitjet e Nvidia në Kinë, një pikë e rëndësishme gjeopolitike.
Kompania më me vlerë e botës dhe përfituesja më e madhe në shpenzimet për IA, i ka tejkaluar rivalët në teknologji. Ajo ka nënshkruar marrëveshje me OpenAI dhe Oracle, ndërsa çipat e saj vazhdojnë të furnizojnë industrinë e IA. Vlera e Nvidia tashmë tejkalon PBB të çdo vendi përveç SHBA-ve dhe Kinës sipas të dhënave të Bankës Botërore. Së fundmi, Microsoft dhe Apple sapo kanë kaluar vlerën e 4 trilionë dollarëve.
