Odat Ekonomike kundër ngrirjes së çmimeve të produkteve bazë

Iliria News Agency
Iliria News Agency

21 Mars, 2023

Odat Ekonomike në Maqedoninë e Veriut kanë kundërshtuar vendimin e Qeverisë për ngritjen e çmimeve për produktet bazë. Sipas tyre këto masa qeveritare po dëmtojnë bizneset.

Kryetari i Odës Ekonomike të Maqedonisë Veri-Perëndimore, Mendi Qyra tha se Qeveria të mos vazhdojë me centralizimin apo ngrirjen e çmimeve të cilat kanë efekt negativ.

“Ne jemi që gjithmonë të mbisundojë oferta dhe kërkesa dhe nuk jemi për ngrirjen e çmimeve në mënyrë të centralizuar për arsyje se shkakton dëm në tregun e lirë. Në vend të kësaj mase, OEMVP-ja vlerëson se Ministria e Ekonomisë duhet të dalë me propozimin për heqjen e plotë të tatimit të vlerës së shtuar për produkte të caktuara ushqimore”, theksoi Qyra.

Zoran Jovanovski nga Oda Ekonomike tha për Alsat se në një shtet me treg të hapur nuk duhet të ngrijnë çmimet për të gjithë konsumatorët, që disa mezi arrijnë t’i blejnë, ndërsa një kategori tjetër mund ta paguajnë edhe pesëfishin e të njëjtave çmime.

“A është obligim i furrtarit, blegtorit apo dikujt nga industria ushqimore të kujdeset për statusin social të qytetarëve?! Përse ajo të jetë vetëm në shpinën e atyre që merren me industri ushqimore!? Përse ajo të mos jetë edhe për sektorët tjerë. Nëse jemi ekonomi me treg të hapur duhet të ulemi për tu marrë vesh pas krizës financiare dhe energjetike, ne si ekonomi e vogël këtë situatë do ta tejkalojmë”, tha Jovanovski.

Odat Ekonomike kanë kërkuar që Qeveria të subvencionojë bizneset me qëllim të tejkalimit të krizës që po vijon.

Por, kryeministri Dimitar Kovaçevski theksoi sot se Qeveria vazhdon t’i ndihmojë qytetarët e prekur nga kriza ekonomike dhe energjetike. Ai njoftoi se Qeveria ka marrë vendim për ngrirjen e çmimeve për vezët dhe orizin, por edhe kufizimin e eksportit të këtyre produkteve bazë. Ky vendim, sipas Kovaçevskit, do të vlejë deri më 30 prill 2023. Më parë hyn në fuqi kufizimet apo ngrirja e çmimeve për bukën, qumështin dhe produkte tjera bazë. (INA)

ME TE LEXUARA

LEXO MË SHUMË

Fatmir-Bytyqi

Bytyqi: Nuk e heqim 20% nga Kushtetuta

grubi-696x430-1

Grubi: UNT, pronar i objekteve në ish kazermën “Ilinden”

IMG_1433

Eksperti serb i sigurisë: Rasti “Monstra” në Maqedoni iu montua shqiptarëve

musa xhaferi

“Vetëpërjashtimi” i Grupit të Zjarrit, flet Xhaferi

daim hiseni

Vendimi për dëmshpërblimin e “branitellave” shkakton reagimin e veteranëve të UÇK-së

thaci-krasniqi-veseli-hage-selimi-specialja

Shtyhet gjyqi special ndaj ish-krerëve të UÇK-së, procesi rinis më 12 qershor

kasami

Kasami paralajmëron front të fuqishëm opozitar!

jetmira beka

“E ka rrahur me kabllo, me thikë”/ U vra nga ish-burri në Gjermani, nëna e Jetmirës rrëfen torturat që përjetoi e bija para vdekjes

autobus-privat-shkup

Qyteti i Shkupit: Transportuesit privatë do të kthehen në qarkullim së shpejti

INFO

NA NDIQ