Një hetim i OKB-së arriti në përfundimin se Izraeli kreu krime kundër njerëzimit gjatë luftës së Gazës, duke përfshirë atë të “shfarosjes”, ndërsa theksoi se grupet e armatosura izraelite dhe palestineze kryen krime lufte.
Raporti i komisionit të pavarur hetimor është hetimi i parë i thelluar i Kombeve të Bashkuara për ngjarjet e luftës që shpërtheu më 7 tetor. Ata zbuluan se Izraeli kishte kryer krime lufte, krime kundër njerëzimit dhe shkelje të ligjit ndërkombëtar humanitar dhe ligjit ndërkombëtar për të drejtat e njeriut.
Raporti vuri në dukje një “sulm të gjerë ose sistematik të drejtuar kundër popullatës civile të Gazës”.
“Komisioni zbuloi se janë kryer krime kundër njerëzimit të shfarosjes, vrasjeve, persekutimit me bazë gjinore që synonin burrat dhe djemtë palestinezë, zhvendosjen e detyruar dhe torturën dhe trajtimin çnjerëzor dhe mizor”, thuhet në raport.
