Një kërcënim i ri ndaj qytetarëve të Kosovës, po vie nga një i ri serb që pretendohet të ketë bazë komunat veriore.
I mbuluar me një gjysmë maskë, në një video përmes paltformës Tik-Tok, denoncuar nga një lexues i klankosova.tv, ai thotë se shpërthimin me eksploziv në Ibër Lepenc, e kreu e ashtuquajtura ‘Rezistenca Çetnike Serbe’.
Derisa ai edhe paralajmëron akte të tjera me aksione serioze në prag të festave të fundvitit.
”Banjska ishte vetëm fillimi. Po fillojmë me aksione serioze rreth Krishtlindjeve. Nëse doni të ndihmoni, më shkruani në mesazh”, ishte kërkesa e tij, që për të cilin rast, Policia e Kosovës thotë se është në dijeni.
@belisrbin1389 Четнички отпор 💣🇷🇸 Ko sto sam najavijo vec pre mjesecima mi gradani smo se organizovali sami jer nemozemo vise trpeti maltretiranje, hapsenje i upucanje nevinih Srba. Svaki gradanin ima ustavno pravo da pruzi otpor protiv okupatorskih snaga. Poceli su nase prve gerilske akcije Ali ovo je tek POCETAK. Oko bozica pocinje velika akcija. Blizu si o bozicu…🇷🇸 #kosovo #voda #vodosnabdjevanje #otpor #srbi #ratkosovo #srbija #cetnik ♬ Originalton – aleksandarr82
Zëvendësdrejtori për rajonin e veriut, Veton Elshani, në një përgjigjie për gazetarin e klankosova.tv, Albert Bajrami tha se policia është në terren dhe po heton situatën.
“Policia është në veri të vendit dhe verifikon çdo informacion dhe e trajton me seriozitet”, tha Elshani.
I riu serb fliste fillimisht për pasojat që shkaktoi grupi i ashtuquajtur serb, me shpërthimin në Ibër Lepenc.
”Rezistenca Çetnike Serbe, dje hapi kanalin për shpërndarjen e ujit ne ajër”.
”Pasojat janë: Nuk ka ujë në jug te Mitrovicës (këtu jetojnë shqiptarët) dhe nuk ka rrymë në disa pjesë të Kosovës”.
”Ti që nuk e do popullin serb, kini frikën, jemi plot”, flet me mburrje ai.
Më tej ndahet një mesazh tjetër më në detaje se ky akt terrorist ishte paralajmëruar muaj më parë.
”Siç e kam paralajmëruar muaj më parë, ne qytetarët u organizuam sepse nuk mund të tolerojmë më ngacmimet, arrestimet dhe pushkatimet e serbëve të pafajshëm”.
”Çdo qytetar ka të drejtën kushtetuese për t’i rezistuar forcave pushtuese. Ata filluan aksionet tona të para guerile, por ky është vetëm fillimi”.
”Rreth Krishtlindjeve, fillon një aksion i madh. Afër je o Krishtlindje…”, figuron mbishkrimi trillues i përdoruesit aleksandarr82 dhe belisrbin1389.
Kjo meqë pretendimet për pushkatime të serbëve në komunat veriore, nuk qëndrojnë./Bota Sot
