Ministri i Jashtëm, Bujar Osmani dënoi sulmin në spitalin dhe shkollën në Gaza, ku humbën jetën qindra civilë.
“Sulmi në spitalin dhe shkollën në #Gaza që si pasojë la qindra viktima civilë është akt jo human i terrorit për të cilin nuk ka asnjë justifikim.
Respektimi i të drejtës ndërkombëtare dhe humanitare është prioritet dhe civilët duhet të mbrohen plotësisht me çdo kusht. Autorët e këtij akti duhet të identifikohen qartë dhe të mbajnë përgjegjësi”, theksoi Osmani.
