Ministri i Punëve të Jashtme Bujar Osmani tha sot se për Ballkanin Perëndimor po hapet një rrugë e re, e lidhur para së gjithash me momentin gjeopolitik dhe Ukrainën.
“Është në dorën tonë nëse do të jemi pjesë e asaj rruge apo do të izolohemi. Shqipëria, do t’i bashkohet Serbisë dhe Malit të Zi, ne do të qëndrojmë me Bosnjë-Hercegovinën dhe Kosovën”, theksoi Osmani në një intervistë për TV24.
Për prezantimin e nesërm të Raportit për Maqedoninë e Veriut nga gazetari Ilhan Quchuk dhe 320 amendamentet e dorëzuara, shefi i diplomacisë thotë se për të gjitha amendamentet janë dhënë reagime me shkrim dhe se sipas informacioneve të fundit votimi do të shtyhet.
I pyetur për të komentuar akuzat e Sofjes zyrtare për “gjuhë të urrejtjes të sponsorizuar nga shteti”, Osmani tha se nuk ka një gjë të tillë në Maqedoninë e Veriut dhe se nëse dikush gjen prova, ai do të kërkojë falje.