Ministri i Punëve të Jashtme, Bujar Osmani sot para Qeverisë do të prezantoj të dhënat nga institucionet shtetërore për kapacitetet për akomodimin e refugjatëve që do të vinin nga Ukraina.
Sipas tij nuk pritet fluks i madh i refugjatëve, por nëse kjo ndodh nuk përjashtohet mundësia e krijimit të objekteve të kujdesit të improvizuar.
Osmani theksoi se parasysh mund të merren përvojat nga vendet e BE-së, ku shumë qytetarë paraqiten për t’u kujdesur në shtëpitë e tyre.
“Nuk pres që në këtë periudhë të ketë një valë të madhe, sepse ata shkojnë në vende tjera fqinje të Ukrainës, por shifrat po rriten dhe arrijnë në numrin prej tre deri në katër milionë shtetas ukrainas që largohen nga Ukraina. Prandaj duhet të jemi të përgatitur”, tha ministri Osmani.
