MINISTRI OSMANI REFEROI NË NATO NË ROLIN E KRYESUESIT ME OSBE-në
OSBE dhe NATO kanë mjetet dhe mekanizmat e nevojshëm për të kontribuar për stabilitet më të madh, të ndihmojnë në rivendosjen e paqes dhe për të promovuar bashkëpunimin në të gjithë rajonin e OSBE-së. Të dyja organizatat duhet të luajnë rolin e tyre kur bëhet fjalë për mbështetjen e Ukrainës, por edhe sigurinë e përgjithshme në Evropë.
Këtë mesazh, sic njofton KlanM, e ka dërguar sot gjatë fjalimit në Këshillin e Atlantikut të Veriut të NATO-s, Ministri i Jashtëm, Bujar Osmani, gjatë prezantimit të programit të Maqedonisë së Veriut si kryesuese e OSBE-së në vitin 2023.
Sikurse edhe në Vjenë para dy javëve, Ministri Osmani, në një deklaratë para takimit, sic njofton KlanM, theksoi se fokusi kyç gjatë kryesimit me OSBE-në do të jetë Ukraina. Sipas tij, fokusi duhet të vehet edhe në cështjet tjera të ndjeshme në rajonin e OSBE-së që janë si pasojë e agresionit rus.
“Duhet të kemi kujdes për këto tensione. OSBE ka një paletë të pasur të mjeteve të dizajnuara për adresimin e këtyre cështjeve. OSBE ka përparësitë që dalin nga qasja gjithëpërfshirëse drejt sigurisë, NATO-ja nga ana tjetër ka përparësitë e saja dhe mendoj se ka hapësirë bashkëpunimi me qëllim të kontributit për stabilitetin dhe sigurinë e rajonit tonë” – tha Bujar Osmani.
Sic ka potencuar Ministri Osmani, fokusi i kryesimit të RMV-së me OSBE-në mbetet i pandryshuar: Agresioni ndaj Ukrainës duhet të ndalet, Lufta kundër korrupsionit dhe promovimi i qeverisjes së mire si dhe Mbështetja e të drejtave themelore të njeriut dhe promovimi i tolerancës dhe mosdiskriminimit. /KlanMacedonia/
