Ministri i Punëve të Jashtme dhe zëdhënësi i BDI-së, Bujar Osmani mbrëmë në “Click Plus” në TV21 ka komentuar edhe zhvillimet në BDI dhe tensionet me të ashtuquajturin “Grupin e Zjarrit”.
Ai po ashtu thotë se kjo që po bëhet nga i ashtuquajturi “Grupi i Zjarrit” ndaj kreut të BDI-së, Ali Ahmeti nuk është i drejtë.
“Ahmeti është një personalitet historik. Ahmeti ka 20 vjet që punon për interesat e shtetit. Ai është njeriu që mbron gjithmonë interesat e shtetit. Shihni Ali Ahmeti ka punuar që Maqedonia të bëhet anëtare e NATO-s, tani punon shumë për të bashkuar të gjitha partitë politike që duan ta shohin Maqedoninë në BE. Ahmeti ishte në Ohër edhe në komunikim të plotë me faktorin ndërkombëtar për të gjetur një kompromis në mes të Kosovës dhe Serbisë, për të pasur një rajon të qëndrueshëm, dhe kjo është veçanërisht e rëndësishme tani që ka një luftë jo larg këtu. Prandaj mendoj se nuk është e drejtë me të çfarë po bëjnë shokët e tij nga grupi zjarrit, kur Ahmeti avokon për zgjidhjen e politikave strategjike. E kanë “lodhur” me gjëra të vogla”, thotë Osmani. (INA)
