Pa kalori, pa kafeinë dhe me vlera ushqyese: Njerëzit në mbarë botën e vendosin këtë erëz në vaktet e tyre dhe përfitimet janë të shumta.
Çaji me shafran i Indisë ka të paktën 6 aspekte pozitive fenomenale që ia vlen të pihet.
Nëse jeni një konsumues i rregullt i çajit, mund të pyesni veten se çfarë erëze të shëndetshme, përveç kanellës, mund të shtoni në filxhanin tuaj.
Keni dëgjuar për çajin e shafranit të Indisë?
Çaji me këtë erëz kthehet në të verdhë-portokalli dhe ka një shije të hidhur-ëmbël. Ajo të kujton pak rrënjën e xhenxhefilit, gjë që është e kuptueshme pasi si shafrani i Indisë ashtu edhe xhenxhefili vijnë nga familja e bimëve “zingiberaceae”.
Njerëzit e kanë përdorur shafranin e Indisë për vite, madje edhe në mjekësi, dhe shkencëtarët nuk ishin të sigurt se çfarë e bënte erëzën kaq të mirë derisa u zbulua një grup polifenolësh, antioksidantësh, të quajtur kurkuminoidë.
Besohet se më e fuqishmja prej tyre është kurkumina, e cila ka veti anti-inflamatore dhe antioksiduese.
Këtu janë gjashtë përfitimet e mundshme të çajit të shafranit të Indisë:
1. Burimi i lëndëve ushqyese
Kurkumina nuk është i vetmi lëndë ushqyese e pranishme në çajin e shafranit të Indisë, por ka edhe mangan, hekur, bakër.
2. Përmban substanca bioaktive
Substancat bioaktive janë lëndë ushqyese që kanë një ndikim të mirë në shëndet, dhe termi i referohet vitaminave dhe mineraleve, por edhe polifenoleve.
. Pak kalori
Nëse nuk shtoni sheqer apo mjaltë, ky çaj përmban nga 10 deri në 30 kalori, në varësi të sasisë së shafranit të Indisë që vendosni në të. Ky është një zëvendësues i mrekullueshëm për disa pije të pasura me kalori.
4. E pini para se të shkoni në shtrat
Çaji i rregullt i shafranit të Indisë nuk përmban kafeinë, kështu që mund ta pini në mbrëmje dhe nuk do t’ju shqetësojë bioritmin dhe gjumin.
5. Mund të jetë i mirë për shëndetin e zemrës
Shafrani i Indisë dhe kurkumina mund të jenë të mira për zemrën tuaj, me disa studime që sugjerojnë se këto suplemente mund të ulin presionin e gjakut si dhe nivelet e yndyrës në gjak, të cilat mund të jenë faktorë rreziku për sëmundjet e zemrës.
6. Potencialisht përmirëson disponimin
Një ose disa filxhanë nuk kanë të njëjtin efekt si sasia e kurkuminës që pjesëmarrësit konsumuan gjatë studimeve, por është e mundur që ende të ketë njëfarë efekti në humor.
Kush duhet ta pijë?
Në përgjithësi, kjo pije konsiderohet e sigurt për shumicën e njerëzve nëse konsumohet në moderim. Duhet të jenë të kujdesshme gratë shtatzëna, gratë me gji, ato që kanë reaksione alergjike ose ndonjë irritim të lëkurës. Gjithashtu, nëse jeni duke marrë medikamente, duhet të konsultoheni me mjekun përpara se të konsumoni këtë çaj.
