Qeveria e Maqedonisë së Veriut pranoi propozimin e Lidhjes së Sindikatave (LSM) që paga minimale të jetë 18.000 denarë.
Paga minimale do të paguhet nga muaji prill, por do të jetë e vlefshme për pagën e muajit mars.
Qeveria do të ndihmojë kontributet e rreth 80 mijë punonjësve në sektorin publik dhe privat që do të marrin pagën minimale.
Kryeministri Dimitar Kovaçevski bashkë me përfaqësuesit e sindikatave dhe punëdhënësve njoftoi për vendimin.
“Jam i lumtur dhe i kënaqur që mund të njoftoj se kemi arritur një marrëveshje me Federatën e Sindikatave dhe punëdhënësit. 80.000 bashkëqytetarë tanë punëtorë në industri të ndryshme, duke filluar nga paga e marsit do të marrin së paku 18.000 denarë”, ka theksuar kryeministri Kovaçevski.
Kjo shumë, siç tha ai, tregon për rritje të pagës neto të këtyre punëtorëve për rreth 45 euro në muaj.
“Kemi premtuar dhe zbatuar masa që ndihmojnë drejtpërdrejt standardin e jetesës. Në një vit jashtëzakonisht të krizës, vit të krizave evropiane dhe botërore, ne mbetemi të fokusuar në mbështetjen financiare të qytetarëve”, ka theksuar Kovaçevski.
Kryetari i LSM, Darko Dimovski tha se pas një pune të madhe më në fund është arritur një fitore dhe kanë arritur që argumentet e tyre të miratohen nga partnerët ekonomikë dhe socialë për të siguruar pagën minimale prej 18.000 denarë.(INA)