Rritja e pagave të funksionarëve u erdhi peshqesh nga Gjykata Kushtetuese, të cilat për 78% më të larta do ti marrin deri në miratimin e ri të Ligjit të Pagave, përcjell Alsat.
Derisa kategori të shumta të të punësuarave me pagë minimale patën një rritje prej 2 mijë denarëve në muaj, kjo rritje për ironi të fatit koincidon me rritjen ditore të pagës së funksionarëve, që i bie se çdo ditë e marrin rritjen që punëtorët me pagë minimale e marrin një herë në muaj. Nga LSM thonë se ky hendek ka irrituar çdo familje në vend.
Kryeministri Kovaçevski pranoi se ekziston një jo konsistencë kundrejt pagave publike krahas funksioneve dhe pozitave në institucionet shtetërore. Ai thekson se gjitha këto çështje duhet të harmonizohen në Kuvend me miratimin e ndryshimeve dhe plotësimeve të Ligjit për paga, i cili do të rregullonte të gjitha çështjet e pagesave të niveluara. Por, mbi 1 mijë funksionarë vazhdojnë të marrin paga me rritje prej 78%, ose nga krerët e shteti 70 mijë denarë, ministrat nga 60 mijë më shumë dhe të tjerët mbi 40 mijë.
Sipas Ligjit, paria e shtetit duke filluar nga Presidenti Pendarovski, Kreu Kuvendit Xhaferi dhe Kryeministri Kovaçevski tani marrin ndërmjet 165 mijë dhe 156 mijë denarë. Pas pagave të zyrtarëve më të lartë, sipas ligjit, me paga pasojnë kryetari i Gjykatës Kushtetuese dhe nënkryetarët e Kuvendit, të cilët kanë koeficientin 4 dhe tani do të marrin pagë rreth 140 mijë denarë nga 80 mijë të marra të mëparshmet. /Alsat.mk
