Humbja e jetëve të tre fëmijëve nga shembja e një objekti të pabanuar në Jabllanicë të Gjakovës, ka tronditur të gjithë vendin.
Policia bëri të ditur se ende nuk dihen rrethanat që kanë shkaktuar shembjen e këtij objekti dhe se rasti është cilësuar si “shkaktim i rrezikut të përgjithshëm”.
Vdekjen e viktimave e ka konstatuar ekipi mjekësor në vendin e ngjarjes.+
Së fundi në mediat e Kosovës janë publikuar edhe pamjet nga kamerat e sigurisë, ku shihet momenti i shembjes së objektit të pabanuar.
Nga këto pamje shihet se shembja e tij ka ndodhur rreth orës 16:35, ndërkaq viktimat janë gjetur diku pas katër orëve.
Përparim Ademaj, banor i fshatit, rrëfeu momentet rrëqethëse të kërkimit të tyre nën rrënoja.
“Në telefon më thanë se s’janë lajmëruar nga ora 16:00”, tregon ai, ndërsa kujton momentin kur bashkë me prindërit e fëmijëve shkuan në vendngjarje.
Ai tregoi tutje se duke i thirr në telefon kanë dëgjuar dridhjen e telefonave nën rrënoja.
“T’u fol me ta e pamë një objekt që është shemb. Duke i thirr në telefon, i kemi dëgju telefonat duke ju dridh ndër plloçë”, shtoi ai.
Lidhur me këtë rast tragjikë kanë reaguar krerët e institucioneve dhe partive politike, duke kërkuar hetim të plotë.
https://www.facebook.com/kosovapress/videos/4103352933323555/?ref=embed_video
