Në organizimin e Ambasadës së Republikës së Sllovenisë në Shkup sot do të mbahet panel-diskutimi “Roli dhe pozita e gruas në botën e biznesit, përparësitë, sfidat dhe mundësitë!”.
Diskutimin zyrtarisht do ta hapë Gregor Presker, ambasador i Republikës së Sllovenisë në Maqedoninë e Veriut, ndërsa do ta moderojë Vojdan Jordanov, drejtor ekzekutiv i “Sigurimit Triglav” SHA Shkup dhe kryetar i Shoqatës së Biznesmenëve Slloveni-Maqedoni.
Nga Ambasada paralajmërojnë se në diskutim do të mbajnë fjalim: Anita Angellovska Bezhoska, guvernatore e Bankës Popullore të Maqedonisë së Veriut, e cila do të flasë për “Rolin dhe pozitën e gruas, në botën e biznesit, përparësitë, sfidat dhe mundësitë!”, Dita Starova – Qerimi, drejtoreshë e Galerisë Kombëtare për “Sfidat e grave në fushën e kulturës”, Aleksandra Tomiq, kryeredaktore e “Blumberg Adria Digital” për “Perspektiva gjinore, përfshirja e grave në profesionet tipike “të meshkujve”, Filomena Plakovska Asprovska, drejtoreshë ekzekutive dhe kryetare e Bordit të Drejtorëve “KaSis” SHA për “Roli dhe statusi i grave afariste në Maqedoninë e Veriut”, Melita Gugulovska, drejtoreshë e përgjithshme ekzekutive e “Sava osiguruvanje” SHA Shkup për “Rolin e gruas nga perspektiva ekonomike”.
Ngjarja, siç informojnë nga Ambasada e Sllovenisë, ka për qëllim ndarjen e përvojave e grave në botën e biznesit dhe të promovojë aspektet e lidershipit nga perspektiva e grave si një arkitekte thelbësore e rimëkëmbjes kolektive dhe ekonomike dhe një të ardhme të qëndrueshme.
