Para të shumta false në Kosovë, disa nga ndërmarrjet nuk po i pranojnë monedhat 2-euroshe për pagesa

Picture of INA
INA

15/06/2023

Tash e disa muaj, monedha dy euroshe vazhdon të bëhet problematike në Kosovë. Disa ndërmarrje publike kanë ndaluar pranimin kësaj monedhe si formë pagese, ndërsa Policia e Kosovës thotë se nga fillimi i vitit janë iniciuar qindra raste për veprën penale “falsifikim i parasë”.

Tash e disa muaj, monedha dy euroshe vazhdon të bëhet problematike në Kosovë. Disa ndërmarrje publike kanë ndaluar pranimin kësaj monedhe si formë pagese, ndërsa Policia e Kosovës thotë se nga fillimi i vitit janë iniciuar qindra raste për veprën penale “falsifikim i parasë”.

“Ne si KRU ‘Prishtina’ nuk jemi duke i pranuar monedha prej 2 euro, sepse ka pasur raste kur kanë qene false, ngase bankat komerciale e kanë vërtetuar. Derisa të bëjmë diçka për monedha të metalit, ndonjë aparat që i identifikon, mbetet kështu. Deri atëherë, vazhdojmë që të mos i pranojmë”, thotë për Telegrafin zëdhënësja Arjeta Mjeku.

Ndërsa, “Prishtina Parking” thotë se mos pranimi i monedhës 2-euroshe lidhet me mbrojtjen financiare dhe integritetin e zyrtarëve të kësaj ndërmarrje.

“Arsyeja e ndalimit të monedhës 2 euro nga N. P. L. ‘Prishtina Parking’ ndërlidhet me disa fusha. E para, ka të bëjë me dëmin financiar që i shkaktohet ndërmarrjes nga monedhat e falsifikuara, e cila po të vazhdohej, do të mund të shkonte deri në 30-40 mijë euro në vit. Prandaj, qëllimi i këtij vendimi është mbrojtja e financave të ndërmarrjes”, tha për Telegrafin kryeshefi i “Prishtina Parking”, Sokol Havolli.

“Me qenë se zyrtaret tonë bëjnë dorëzimin e mjeteve në banka, atëherë banka është ballafaquar me këto monedha të falsifikuara. Si rezultat, konform procedurave, banka ka njoftuar policinë. Por, në këto raste, Policia ka intervistuar zyrtarët tonë. Zyrtarët tonë deri tani nuk kanë pasur pajisje për identifikim të monedhave të falsifikuara, dhe për t’i mbrojtur ligjërisht dhe integritetin e zyrtarëve tanë kemi qenë të detyruar të marrim këtë masë”, shton ai.

Havolli gjithashtu thekson se kjo ndërmarrje ka iniciuar pagesën përmes kartelave bankare, me qëllim të evitimit të vështirësive për pagesa për qytetarët.

“Duke pasur parasysh faktin se ky proces mund të shkaktojë vështirësi edhe për qytetarët, ne përveç pranimit të pajisjeve për detektim të parave të falsifikuara, tani më kemi iniciuar procesin e mundësimit të pagesës edhe përmes kartelave bankare. Qëllimi është që si ndërmarrje të ofrojmë mënyra të shumta të pagesës për qytetarët, duke mos rrezikuar stabilitetin dhe integritetin e ndërmarrjes”, përfundoi Havolli.

Për Shoqatën e Bankave të Kosovës (SHBK), luftimi i kësaj dukurie nuk është në mandatin e saj dhe se dukuria e qarkullimit të parave të falsifikuara në treg është një problem i vazhdueshëm në shumë vende të botës.

“Dukuria e qarkullimit të parave të falsifikuara në treg është një problem i vazhdueshëm në shumë vende dhe sisteme ekonomike te botës. Shoqata e Bankave të Kosovës mbledh statistikat për të monitoruar këtë dukuri negative në mënyrë që ta ketë një pasqyrë të qartë te gjendjes dhe zhvillon fushata informuese të cilat inkurajojnë dhe informojnë qytetarët të përdorin sa më shumë shërbimet e pagesave digjitale si një mënyrë e mirë për të shmangur paratë e falsifikuara. Ndërsa, luftimi i kësaj dukurie nuk është në mandatin e SHBK-së por është në mandatin e institucioneve shtetërore të sigurisë të cilat e vëzhgojnë këtë dukuri dhe intervenojnë sipas situatave të caktuara dhe në përputhje me ligjet në fuqi”, thekson SHBK-ja.

Telegrafi ka provuar të merr komentet për këtë fenomen edhe nga Banka Qendrore e Kosovës, mirëpo deri në shkrimin e këtij artikulli, ky institucion nuk ka kthyer përgjigje.

Ndryshe, Ligji për Bankën Qendrore të Kosovës, kartëmonedhat dhe monedhat e paraqitura te institucionet financiare, që dyshohen të jenë false, duhet të nxirren nga qarkullimi dhe menjëherë duhet t’u dërgohen autoriteteve të caktuara. /Telegrafi/

TË FUNDIT
3 ditë
Oda Ekonomike kërkon që të vazhdohet projekti për Korridoret
4 ditë
Prezantim i rezultateve për vlerësim të klimës afariste dhe vendit si lokacion për investim
5 ditë
Vitin e kaluar në Maqedoninë e Veriut u regjistruan 23.545 shitblerje të patundshmërive, me vlerë 910 milionë euro
5 ditë
Tatimet, DAP publikoi listën e borxhlinjve
5 ditë
Banka Popullore: Ngadalësimi i mëtejshëm i inflacionit do ta kthejë drejt mesatares historike prej 2%

ME TE LEXUARA

No data was found

LEXO MË SHUMË

Oda Ekonomike kërkon që të vazhdohet projekti për Korridoret

kompjuter

Prezantim i rezultateve për vlerësim të klimës afariste dhe vendit si lokacion për investim

taksa shtepi kredi

Vitin e kaluar në Maqedoninë e Veriut u regjistruan 23.545 shitblerje të patundshmërive, me vlerë 910 milionë euro

UJP DAP

Tatimet, DAP publikoi listën e borxhlinjve

banka-popullore-800x445-780x439-1

Banka Popullore: Ngadalësimi i mëtejshëm i inflacionit do ta kthejë drejt mesatares historike prej 2%

gjermania-780x470

Gjermania nuk do të lejojë “zona gri” në Ballkanin Perëndimor

derivate nafta dizeli benzin

Lirohet çmim i naftës dhe benzinës në Maqedoninë e Veriut

banka-popullore

Banka Popullore: Investimet e huaja direkte këtë vit janë rreth 3,6 për qind të PBB-së

anita-angellovska bezhovska

Përshpejtim gradual të rritjes ekonomike dhe inflacionit mesatar prej 3,5 për qind, parasheh Banka Popullore

INFO

NA NDIQ