Paraqitje e shkëlqyshme e Mursel Misinit në Kupën Botërore për ekipe që po mbahet në Pamplona të Spanjës nga data 22-24 nentor 2024.
MURSEL MISINI – ITALIA 0-0
MURSEL MISINI – AUSTRALIA 3-2
MURSEL MISINI – KROACI 3-2
Në përballjen me ekipin e Iranit Murseli nuk ishte në përbërjen e ekipit të Maqedonisë së Veriut edhe pse kishte dëshirë të madhe t’i masë forcat edhe me ndonjërin nga ta si kampion të tre fisht të botës që janë, po vendimi i selektorit e la jashtë për xhiron e parë, ndërsa u inkuadrua në përbërje të ekipit me Italinë, e cila është kampione aktuale e Evropës, Australinë dhe Kroacinë.
Sidoqoftë Mursel Misini ishte garuesi më i suksesshëm edhe atë me dy fitore, një barazim dhe asnjë humbje nga i gjithë reprezentacioni i Maqedonisë së Veriut.
“Faleminderit për mbështetjen familjes, shokëve dhe gjithë garuesve të Klubit tim “Bashkimi 2002″ nga Kumanova që më ndihmuan në stërvitje për të arritur këtë formë maksimale dhe mbështetjen pa rezervë duke bë tifo për garuesin dhe trenjerin e klubit! Gjithashtu një falënderim edhe për selektorin Alksandër Kuzmanovskin, për besimin e dhënë dhe të gjithë shokëve të ekipit të Maqedonisë së Veriut për mbështetjen dhe përkrahjen!” (INA)
