Kuvendi Kombëtar i Bullgarisë sot do të diskutojë për marrëdhëniet me Maqedoninë e Veriut dhe siç është paralajmëruar për sulmin e fundit fizik ndaj një shtetasi bullgar, gjegjësisht sekretarit të klubit bullgar në Ohër.
BTA njofton se para deputetëve do t’i drejtohet ministri i Punëve të Jashtme Nikolai Milkov, përcjell INA.
Propozimi për vendosjen e kësaj pike si pikë të tretë në seancën e sotme është me kërkesë të partisë Rilindja dhe komisionit parlamentar për politikat për bullgarët jashtë vendit. Javën e kaluar sekretari i klubit bullgar në Ohër është sulmuar brutalisht nga tre persona, duke përfunduar me plagë të rënda dhe i cili me një avion special u mor nga Sofja zyrtare për trajtim mjekësor. Sulmi ndaj tij konsiderohet urrejtje ndaj bullgarëve në Maqedoninë e Veriut. (INA)
