Parlamenti i RMV-së sot konstatoi dorëheqjen e ministrit të Shëndetësisë, Arben Taravari. Janë konstatuar gjithashtu edhe dorëheqjet e zëvendësministrave në Ministrinë e Bujqësisë, Pylltarisë dhe Ekonomisë së Ujërave, Flakron Bexheti, dhe në Ministrinë e Mbrojtjes, Elfete Ismaili.
Nënkryetarja Vesna Bendevska, sqaroi se, sipas Rregullores së Kuvendit, ata kanë të drejtë të arsyetojnë dorëheqjen, por deri në fillimin e kësaj seance të 49-të nuk kanë kërkuar ta bëjnë këtë, dhe për këtë arsye dorëheqjet u konstatua.
Më pas u propozua rendi i ditës i seancës, por pas një vërejtjeje procedurale nga Sashko Jançev nga partia E Majta, u dha një pauzë prej një ore.
