Partia Demokratike Evropiane (PDE) e Arjanit Hoxhës dhe grupit që u shkëput nga Lëvizja BESA ka grumbulluar nënshkrimet e duhura për të regjistruar subjektin e ri politik.
Arjanit Hoxha, ish-nënkryetari i BESËS, njëherësh nismëtari kryetar i formimit të PDE-së, ka falënderuar në profilin e tij në Facebook të gjithë ata qytetarë dhe themeluesit e partisë për angazhimin në veprimtarinë e re politike.
Statusi i plotë i Arjanit Hoxhës:
Përfundoi me sukses grumbullimi i nënshkrimeve për regjistrimin e Partisë Demokratike Evropiane. Faleminderime pafund deri te gjithë themeluesit për angazhimin dhe vullnetin e tyre për të hapur faqe të re të veprimit politik.
