Partia Demokratike ka vendosur të shpërfillë zyrtarisht dhe të ndërpresë pa afat të gjitha marrëdhëniet me institucionet shtetërore të vendit, një hap drastik ky që krijon një klimë edhe më të rënduar në arenën e shëmtuar politike shqiptare.
E detyruar nga shkatërrimi i brendshëm, por edhe nga bujaria e shkatërrimit nga jashtë saj, përballë një qeverisjeje socialiste të pandalshme që mban pushtetin prej 14 vjetësh dhe synon disa vite të tjera, Partia Demokratike po përpiqet të shfrytëzojë ato fare pak hapësira që ka për tu dëgjuar zëri i saj.
Kreu i grupit parlamentar demokrat, Gazment Bardhi tha këtë pasdite në një dalje për mediat se opozita ka vendosur të mos ketë më asnjë raport institucional me Parlamentin, komisionet e tij dhe institucionet e tjera, pa dhënë detaje teknike si do të funksionojë kjo skemë.
