Pas 30 orë të bllokimit në kufirin Kroaci – Slloveni, autobusi me mërgimtarë niset drejt vendlindjes

0

Pas bllokimit 30 orësh në kufirin Kroaci-Slloveni, është nisur për Kosovë autobusi me qytetarë të cilët u nisën nga Italia nëpërmjer kufjve tokësorë.

Klan Kosova mëson se tani autobusi është duke e kaluar këtë kufi.

Ministria e Punëve të Jashtme dhe Diasporës e Republikës së Kosovës bën të ditur se ka arritur sonte marrëveshje mirëkuptimi me autoritet kroate dhe ato malazeze, që të lejojnë̈ kalimin e autobusit në të cilin ndodhen më shumë se dhjetë shtetas kosovarë, të nisur një̈ ditë më parë nga Italia.

Nga MPJD thonë se agjencia e cila ka organizuar udhëtimin, ishte nisur nga Italia drejt Kosovës pa kërkuar leje nga institucionet e Republikës së Kosovës dhe pa i ditur masat që janë̈ në fuqi në vendet nëpër të cilat planifikonte të kalonte transit.

“Autobusi është ndaluar nga autoritetet kroate, ngase disa nga udhëtarët nuk posedonin dokumentacionin e rregullt (vizë transit ose Schengen), dhe aty ishin njoftuar po ashtu se Mali i Zi nuk i ka hapur kufijtë me Italinë̈ (prej nga ishin nisur), ngase ky vend konsiderohet ende si vatër e COVID-19”.

“Ministria e Punëve të Jashtme dhe Diasporës, përmes kanaleve të saj diplomatike, ka arritur të sigurojë nisjen e shtetasve kosovarë të ngujuar në kufirin midis Kroacisë dhe Sllovenisë prej më shumë se 30 orësh”.

“I ftojmë të gjithë̈ bashkatdhetarët që përpara se të nisen drejt vendlindjes, të kontaktojnë Misionet diplomatike të Republikës së Kosovës, pasi shumë shtete, si pasojë e pandemisë̈, kanë ende në fuqi disa masa që duhet plotësuar gjatë kalimit transit”, thuhet në njoftimin e MPJD./KlanKosova