Pa kaluar as një javë nga fillimi i Big Brother, Redoni dhe Gili kanë vendosur të largohen nga shtëpia.
Sonte ata kanë qenë të pranishëm në ‘Prime’ , ku kanë folur për qëndrimin dhe daljen nga shtëpia.
Redoni ka deklaruar se këtë vendim e ka marrë pasi lojën e ka paramenduar më ndryshe, dhe nga brenda e ka parandierë që mund të shkoj deri te konfliktet fizike.
Ndërkaq Gili ka thënë se kthimi në Kosovë, për të ka qenë shumë i këndshëm.
Gili: Falenderoj produksionin që më ka mundësuar një kujtim jetësor, të isha në shtëpinë më të famshme të shqiptarisë. Të gjitha komentet ishin superlative, jam shumë e kënaqur, shumë e lumtur.
Redoni: Së pari, jam falenderues ndaj produksionit, jam ndjerë si të isha pjesë e familjes. E dyta, i kërkoj ndjesë njerëzve, familjarëve, produksionit dhe banorëve aty brenda që u larguam në mënyrë të ftohtë. Mendova se ishte mënyra më e mirë, se po t’i takoja, do vazhdoja të rrija aty brenda. Unë erdha për një lojë të thjeshtë me debate, lojëra, pranë nënës. Por, pashë që loja agravoi shumë shpejt. E pashë që debatet po shkonin drejt dhunës fizike. Fakti që isha me nënën, më bëri të mendoj që nuk është vendi i duhur.
