Pak orë pasi iu dha një sanksion i rëndë (9 muaj pezullim për shkak të sjelljes së tij të konsideruar kërcënuese ndaj gjyqtarit Benoît Millot), Paulo Fonseca i është kthyer buzëqeshjes falë Europa League.
Olympique Lyonnais fitoi 3-1 në Bukuresht kundër FCSB në ndeshjen e parë të raundit të 16-të, duke iu afruar kështu kualifikimit për në çerekfinale.
Pas golit të Tagliafico për rezultatin 0-1, të gjithë lojtarët shkuan për të përqafuar trajnerin portugez, reagimi i të cilit u bë menjëherë viral.
Ish-trajneri i Romës dhe Milanit nuk ka mundur ta fshehë emocionin dhe është kapur në lot nga kamerat.
Ish-trajneri portugez i Milanit është pezulluar për 9 muaj, deri më 30 nëntor 2025, pas përballjes së tij kokë më kokë me gjyqtarin Bastien Millot gjatë Lyon-Brestit.
Ai nuk do të mund të hyjë në dhomat e zhveshjes në Ligue 1 deri më 15 shtator 2025 dhe nuk do të mund të ulet në stol deri më 30 nëntor 2025.
“Është padyshim e padrejtë. Unë nuk e preka arbitrin dhe nuk kisha ndërmend ta sulmoja”, tha Fonseca, i cili mund të trajnojë rregullisht në Evropë:
“Gjëja më e rëndësishme është se kam mbështetjen e klubit, që do të thotë shumë për mua. Ky grup i mrekullueshëm dhe tifozët janë gjithashtu me mua”.
https://twitter.com/PFonsecaCoach/status/1897757227848442162?ref_src=twsrc%5Etfw%7Ctwcamp%5Etweetembed%7Ctwterm%5E1897757227848442162%7Ctwgr%5E3f6123ba7cdcc068b12397f6a552b27205387209%7Ctwcon%5Es1_&ref_url=https%3A%2F%2Fdosja.al%2Fsport%2Femocione-per-fonsecan-lojtaret-e-perqafojne-pas-golit-te-pare-portugezi-pe-i423688
