Muhamer Pajaziti
Maqedonia e Veriut sot po feston pavarësinë. 32 vite më parë ky shtet shpalli pavarësinë, duke kaluar nga një sistem komunist në atë demokratik.
Që nga kjo periudhë filloi të instalohet demokracia e hajnisë.
Hajnat nën petkun e politikanit, fillimisht i privatizuan fabrikat, më pas i shkatërruan tërësisht, i shitën për skrap, ndërsa punëtorët i lanë rrugëve në mëshirën e fatit.
Pastaj hajnat, të organizuar në parti politike, vazhduan e kapën shtetin, e zhvatën shtetin, vodhën taksat e qytetarëve, u pasuruan…
Si rezultat shkatërruan gjyqësorin, për të mos i ndjekur. Aty instaluan gjykatësit e tyre të varur.
Shkatërruan arsimin, duke eksperimentuar reforma për të nxjerr sa më shumë tender dhe për të vjedhur.
Shumicën e mësuesve, arsimtarëve i varfëruan, ja u morën dinjitetin, i bën argat për fushata politike.
Në shëndetësi nuk e ngulën asnjë gozhdë. Spitalet mbetën ashtu si u ndërtuan në kohën e Titos.
Në anën tjetër hapën spitale private moderne për ta zhvatur popullin e shkretë e të varfër.
Ka edhe shumë, por kaq mjafton për ta përshkruar demokracinë e hajnisë, që filloi të instalohet pas pavarësisë.
Tani s’ka më shpresë se bëhet ky shtet. Rinia po ik dhe do mbetet shkretë. Demokracinë e perëndimit nuk e shijuam ne, u mashtruam ramë për dhe.
Le të festojnë ata që ja panë hajrin këtij organizimi gjoja shtetëror.
