Arben Ratkoceri
Sot është 11 Tetori, festë shtetërore në Maqedoni – Dita e kryengritjes gjatë Luftës së Dytë Botërore (LDB). Faktet historike thonë se, maqedonasit e asaj kohe i kanë pritur me lule bullgarët dhe gjatë gjithë LDB-së, në Maqedoninë Lindore nuk ka pasur asnjë – ama asnjë konflikt apo rezistencë formale ndaj bullgarëve. E arsyeshme për kohën, sepse fashistët bullgarë për maqedonasit kanë qenë çlirimtarë nga që e kanë debuar pushtetit gjenocidal serb të kohës njejtë si shqiptarët që i kanë pritur fashistët italianë në trojet e tyre.
Njëfarë rezistence nga maqedonasit ka pasur vetëm në pjesën perendimore ku jetojnë shqiptarët, zona që ishin nën administratën shqiptare e nën pushtimin italian, madje edhe Partia Komuniste e Maqedonisë është themeluar në Tetovë.
Deri në vitin 1943, Partia Komuniste e Maqedonisë si drejtuese e luftës ishte në kuadër të PK së Bullgarisë. Në ndër kohë bëhet “puçi” nga elementet maqedonase pro-serbe me në krye Lazar Kolishevskin duke e shkëputur PK të Maqedonisë nga PK e Bullgare e duke ia bashkangjitur Partisë Koministe serbe (Jugosllave). Pikërisht pas këtij” puçi” ( vitet 40-ta) të ndodhur gjatë LDB-së e nxitur e sponzoruar nga serbët instalohet antishqiptarizma dhe antibullgarizmi në Maqedoni që vazhdon sot e kësaj dite në një pjesë të institucioneve dhe shoqërisë maqedonase !
