PDK akuza Osmanit se negocioi zgjedhjet me Vuçiqin: Tash me Kurtin do t’u thonë kryetarëve “jepni dorëheqje”

INA
INA

02/06/2023

Betim Gjoshi nga PDK ka thënë se Kosova pas një javë është një republikë e fyer dhe e poshtëruar dhe se nuk ka më shumë sovranitet në komunat veriore.

Ai ka akuzuar presidenten Vjosa Osmani se ka negociuar me presidentin serb Aleksandar Vuçiq për çështje të brendshme të shtetit.

“Pas një jave, për çështje të brendshme të shtetit të Kosovës, siç janë zgjedhjet, presidentja Osmani negocion me Aleksandër Vuçiqin dhe pranon që të shkelën ligjet e Kosovës duke detyruar kryetarët që të dorëhiqen pas një muaji a dy”.

Ndërkaq, pati kritika edhe për kryeministrin Kurti.

“Tashmë është bërë e zakonshme që pas çdo përpjekjeje, Albin Kurti po e shtron rrugën e tij të dështimit në veri dhe të dorëzimit. Fatkeqësisht, aksioni solli pasoja të mëdha për Republikën e Kosovës, e po ashtu edhe dorëzimi. Ashtu siç me qeverisjen e tij ka vështirësuar e shtrenjtuar jetën e përditshme të qytetarëve, njëjtë po e vështirëson edhe zhvillimin ndërkombëtar të shtetit të Kosovës duke e konfliktuar me shtetet aleate. Pas një jave, Republika e Kosovës nuk ka më shumë sovranitet në katër komunat veriore. Përkundrazi, Albin Kurti me politikën e tij antishtetërore, ka arritur që ta qetësojë presidentin serb, Vuçiq, i cili kohëve të fundit po përballej me protesta të brendshme dhe në arenën ndërkombëtare ai ishte etiketuar si Gangster nga New York Times”.

Ai thotë se pas një jave, Republika e Kosovës nuk ka më shumë miq, por përkundrazi, shteti ynë ka hyrë në listën e shteteve që sanksionohen nga ShBA-ja.

“Vetëm politikanët që veprojnë kundër historisë shqiptare i cenojnë raportet shqiptaro-amerikane”, thotë Gjoshi.

“Pas një jave, duke rrezikuar jetën e policëve të Kosovës, ushtarëve, gazetarëve e të qytetarëve, Albin Kurti nuk ka asnjë sukses. Përkundrazi, bashkë me Vjosa Osmanin duhet t’i thërrasin katër kryetarët dhe t’ia kërkojnë poshtërimin e radhës: Jepni dorëheqje! Jo vetëm kaq, por vetëm pas një jave të betejës së veshur me fjalë të mëdha për sovranitet e ligjshmëri, Albin Kurti edhe më fuqishëm nisë vendosjen në terren të Zajednicës së rrezikshme sipas Statutit të shkruar nga Ekipi Menaxhues dhe Nenit 7 të marrëveshjes për Vetëmenaxhimin e serbëve (Autonominë)”.

TË FUNDIT

ME TE LEXUARA

LEXO MË SHUMË

Manastiri Banjskes zvecan

“Varrezat dhe Manastirët magazina ushtarake serbe”/ Ish-agjenti i SHIK-ut tregon detaje

Kuvendi-Kosoves

Kuvendi i Kosovës sot mblidhet në seancë të jashtëzakonshme

basha lulzim

Basha: T’i japim Kosovës 50 milionë euro për sigurinë

IMG_0189

Kosovës iu hap rruga për t’u bërë pjesë në KiE, reagon kryeministri Kurti

Kurti OKB Keshilli i Sigurimit

Albin Kurti është lojtari kryesor i ndërkombëtarëve në Ballkan, ja kush e thotë? (VIDEO)

ejup maqedonci

Mësohet se kur arrijnë “Javelinët” në Kosovë

asambleja-kie-keshilli-i-evropes

​Sot shqyrtohet raporti për Kosovën në Këshill të Evropës

policia ambulanta kosove

Ky është 30-vjeçari që u ekzekutua mbrëmë në Prishtinë (FOTO)

nexhmedin spahiu

SHBA-ja apo Britania? Spahiu tregon kush janë aleat më të besuar për shqiptarët

INFO

NA NDIQ