Banorët e Ohrit shtojnë rezistencën ndaj kërkesave të UNESKO-s për ndërtimet e paligjshme.
Në prag të vizitës së misionit të Organizatës Botërore për mbrojtjen e trashëgimisë kulturore dhe natyrore të rajonit, kryeatri i Ohrit Kirill Pecakov thotë se vendosja eventuale e Ohrit në listën e zonave të rrezikuara do të ketë ndikim serioz në ekonominë e qytetit. Kur thotë rezistencë, Pecakov thotë se ka parasysh kriteret strikte të vendosura nga UNESCO. Ohri, thotë ai, duhet të zhvillohet dhe të jetojë me diçka.
“Këtu ulet pragu i tolerancës për durim tek qytetarët. Kur flasim UNESCO, UNESCO, UNESCO, dhe nga ana tjetër kemi respektuar gjithçka. E kam fjalën për qytetarët, ata kanë problem… Rruga e shpejtë për në Shën Naum kur flasim për të, i njëjti varg malor janë Dolomitet në Itali. Atje nuk është një rrugë, atje masivi është mbushur me rrugë. Dua të them se ka zona që janë nën mbrojtjen e njëjtë ose të ngjashme nga UNESCO, por ato trajtohen ndryshe”, deklaroi Kiril Pecakov-kryetar i Ohrit.
Kundër kësaj po ndërtohet teleferiku në Kotor në Malin e Zi, i cili po ashtu është nën mbrojtjen e UNESCO-s, thotë Petsakov. Një projekt i njëjtë në vendin tonë për ndërtimin e një qendre skijimi në malin e Galiçicës, afër Ohrit, u ndërpre me rekomandimin e UNESCO-s.
“Është fakt i pamohueshëm se për realizim nevojiten mjete serioze, pra për përmbushjen e rekomandimeve dhe masave të caktuara që kanë të bëjnë me UNESCO-n dhe vetë Ohri ka mundësi, nuk mund ta bëjë këtë”, u shpreh Kiril Pecakov, kryetar i Ohrit.
Ekipi i UNESCO-s do të kontrollojë në vend se çfarë është bërë në lidhje me rekomandimet e tyre prej para më shumë se dy viteve, në mënyrë që rajoni të mos përfundojë në listën e zonave të rrezikuara./Alsat
