Pendarovski: Dita e Alfabetit të Gjuhës Shqipe është festë me të cilën krenohemi të gjithë

0

Presidenti, Stevo Pendarovski me rastin e Ditës së Alfabetit Shqip ka uruar shqiptarët në Maqedoninë e Veriut duke theksuar se është krenar që tash e 14 vite, kjo ditë është festë shtetërore me të cilën krenohen jo vetëm shqiptarët, por edhe të gjithë qytetarët në vendin tonë.

“Gjuha dhe kultura janë themele të çdo populli dhe mohimi i tyre do të thotë përpjekje për të shkatërruar origjinën kombëtare. Në shekullin 21 përpjekjeve të tilla nuk u duhet hapur dera, në mënyrë që kurrë të mos triumfojnë mbi vlerat e vërteta. Të gjithë bashkëqytetarëve të mi shqiptarë ju uroj Ditën e Alfabetit”, thuhet mes tjerash në urimin e Pendarovskit.