Për disa muaj nuk po zgjedhen zëvendësit e Avokatit të Popullit, ja emrat që po presin?

Iliria News Agency
Iliria News Agency

3 Shkurt, 2022

Institucioni më i rëndësishëm në vend për mbrojtjen e të drejtave kushtetuese dhe ligjore të qytetarëve nga organet shtetërore, Avokati i Popullit, ka disa muaj që punon pa numrin e nevojshëm të Zëvendës Avokatëve të Popullit.

Edhe pse Avokati i Popullit Naser Ziberi i propozoi Kuvendit në gusht të vitit të kaluar kandidatët e tij të rinj për zëvendësa,  të cilët deputetët duhet vetëm t’i votojnë, një pikë e tillë edhe pas pesë muajsh ende nuk është caktuar në rend dite në Kuvend.

Sipas portalit Faktor, shkak janë orekset partiake që janë shfaqur për këto pozita, gjegjësisht kërkesa nga parti të caktuara që në vend të propozimeve të Avokatit të Popullit Ziberi, të caktojnë favoritët e tyre për ato pozita.

Kjo po  nënkuptohet edhe si presion për ndryshimin e propozimeve aktuale dhe përzgjedhjen e njerëzve më të afërt me disa nga partitë.

Pikërisht nga ato motive ende nuk është e mundur të arrihet një marrëveshje mes palëve, dhe kjo pikë të futet në rendin e ditës së votimit në Kuvend.

Ndryshe, çështja e zgjedhjes së zëvendësve të Avokatit të Popullit është e rregulluar me Ligjin për Avokatin e Popullit, i cili parasheh si në vijim. Avokati i Popullit ka disa zëvendës, numrin e të cilëve e cakton Kuvendi, me propozim të Avokatit të Popullit.

Kuvendi me propozimin e Avokatit të Popullit, i zgjedh dhe i shkarkon  me shumicën e votave të numrit të përgjithshëm të deputetëve, ku duhet të ketë shumicën e votave nga numri i përgjithshëm i deputetëve që u takojnë komuniteteve që nuk janë pjesë e shumicë. Zëvendësit e Avokatit të Popullit zgjidhen për një mandat tetë vjeçar, me të drejtë rizgjedhjeje.

Nga mesi i vitit të kaluar ka skaduar mandati i zëvendësave  në Shkup, Kumanovë, Shtip, Tetovë dhe Strumicë, në korrik 2021.

Në gusht të vitit të kaluar Avokati i Popullit Naser Ziberi propozoi Vaska Bajramovska Mustafën për Zëvendës Avokate të Popullit për Shkupin, që do të thotë se kërkohet rizgjedhja e saj edhe për tetë vite të tjera, si dhe  zëvendësa  të tjerë  ai propozoi Azmin Sherifin për zëvendës Avokati të Popullit në Kumanovë, ndërsa Sasho Perovskin për Zëvendës në Tetovë.  Në anën tjetër Liljana Kirova duhet të jetë zëvendës Avokati i Popullit në Shtip, ndërsa Vanço Velkov në Strumicë.  (INA)

ME TE LEXUARA

LEXO MË SHUMË

BDI selia

BDI shënon 21-vjetorion e themelimit, dy festa paralele në Shkup dhe Tetovë

escobar-lajcak

Situata në veri, Lajçak e Escobar vizitojnë Kosovën

novi pazar sanxhak

Ushtria dhe avionët serbë shqetësojnë qytetarët e Novi Pazarit (VIDEO)

maja sandu orban

Orban tentoi që t’i puthte dorën, Presidentja e Moldavisë e refuzon

Albin-Kurti-3

Kurti: Putini është i fiksuar pas Kosovës

hotel

Në Strugë dhe Ohër në gastronomi nevojiten rreth 2000 punëtorë, por nuk ka kush të punojë, rinia largohet

IMG_2043

Shea: Veriu çështje e brendshme e Kosovës, punoni me BE-në e SHBA-në dhe mos e humbni besimin

kurti vucic

Kurti thotë se dhunën në veri e shkaktuan grupet fashiste, pjesë e listës së pagave të Serbisë

kurti kfor

Komandanti i KFOR-it: Albin Kurti ka bërë veprime të njëanshme

INFO

NA NDIQ