SHBA – Interi është skuadra e parë e madhe që lë Kupën e Botës në fazën e eliminimit direkt, ndërkohë që është Fluminense, skuadra që i nxjerr jashtë turneut të madh të klubeve për të kaluar vetë në fazën çerekfinale.
Edhe pse ndeshja u zhbllokua që në minutën e 3-të falë golit të Kanos dhe asgjë nuk ndryshoi në 87 minutat e mbetura të kësaj përballjeje, pavarësisht tentativave të zikaltërve për të ndryshuar fatin e takimit.
Në përfundimin e kohës së rregullt gjyqtari akordoi 7 minuta shtesë dhe shpresë për Interin, por ndodhi e kundërta, pasi Fluminense dyfishoi shifrat në 2-0 me Hercules dhe vulosi përfundimisht kualifikimin e skuadrës braziliane, njëkohësisht duke shuar shpresat e zikaltërve për të dërguar të paktën në shtesë këtë ndeshje.
Në këtë mënyrë mbyllet aventura edhe mesfushorit kuqezi Kristjan Asllani, i cili ka qenë pjesë e formacionit bazë të zikaltërve nën drejtimin e trajnerit të ri Kristjan Kivu. Ndërkohë Fluminense do të përballet me fituesin e çiftit Mancheste City-Al Hilal në fazën tjetër çerekfinale të Botërorit të Klubeve.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
