“Përdorimi i kartonit blu për përjashtimin 10 minuta nga loja”, FIFA frenohet…

INA
INA

09/02/2024

Revolucion i ri në horizont për futbollin. Pas VAR-it, “kartoni blu” për përjashtimin me kohë të pjesshme diskutohet edhe në Angli. Sipas një vrojtimi nga “The Telegraph”, IFAB (Bordi i Federatës Ndërkombëtare të Futbollit) i ka dhënë dritën jeshile eksperimentimit të masës së re, e cila do t’i lejojë drejtorit të ndeshjes të largojë nga fusha për 10 minuta lojtarët që protestojnë flagrantisht, ose kryejnë faulle jo të rrezikshme “taktike” për të ndërprerë lojën e kundërshtarit. Një pakujdesi e minimizuar më vonë nga FIFA, e cila foli për lajme “të pasakta dhe të parakohshme”.

Kartoni blu do t’i shtohej atyre të verdhë dhe të kuq. Sipas asaj që mësojmë, kombinimi i dy kartonave blu, ose mes një kartoni blu dhe të verdhë, do të shkaktojë përjashtimin e menjëhershëm. Data e miratimit zyrtar mund të jetë 2 marsi gjatë Kongresit të Përgjithshëm vjetor, i cili do të mbahet në Glasgow, Skoci.

“Zonat e ndërhyrjes që ne shikuam ishin kryesisht ato që kishin të bënin me protestat, por folëm edhe për fusha të tjera, si faullet taktike”,- shpjegoi Mark Bullingham, shefi ekzekutiv i FA angleze. “Frustrimi i tifozëve që ndjekin ndeshjet kur shohin të prishur një kundërsulm premtues dhe pyetja nëse mjafton një karton i verdhë, na ka bërë të mendojmë se edhe ky aspekt duhet të përfshihet në protokoll”,- shtoi ai, duke kërkuar të përvijojë më mirë rastet. në të cilin do të përdoret kartoni blu.


Frenimi i FIFA-s: “Masa të parakohshme”

FIFA ka minimizuar shtrirjen e mosmarrëveshjes, duke i sugjeruar Kongresit se do të mbështesë më së shumti një eksperiment në nivel amator, ose të të rinjve: “FIFA dëshiron të sqarojë, se raportet për përdorimin e të ashtuquajturit ‘karton blu’ në nivelet elitare të futbollit është i pasaktë dhe i parakohshëm. Çdo provë e tillë, nëse zbatohet, duhet të kufizohet në testimin me përgjegjësi në nivelet më të ulëta, një pozicion që FIFA synon ta përsërisë kur kjo pikë e rendit të ditës të diskutohet në AGM (Kongresi i Përgjithshëm vjetor) të IFAB më 2 mars”.

TË FUNDIT

ME TE LEXUARA

LEXO MË SHUMË

luka modric

Mjeshtëria e Luka Modriçit, Real ngadhënjen në finish

xabi alonso

Mega ofertë nga gjiganti europian për Xabi Alonson – 23 milionë euro pagë në vit

milan

Milani ndalet në barazim

arian ademi

Kaos, ofendohet shqiptari në Kroaci, hidhet një ulëse në drejtim të familjes së tij

Anceloti

Ancelotti konfirmon se nuk do të përfshihet në negociatat e rinovimit të kontratës me yllin e Real Madridit

xavi

Xavi vazhdon të ëndërrojë titullin në La Liga: Nuk dorëzohemi lehtë

manchester united

Manchester United i gatshëm të paguajnë klauzolën prej 100 milionë eurosh për yllin e Sporting Lisbonës

barcelona

Laporta: Barcelona do të luftojë për titullin e Ligës së Kampionëve

Hernandez-1

Gjiganti evropian kërkon transferimin e Theo Hernandezit, nuk është Real Madridi

INFO

NA NDIQ