Përfundon debati për ndryshimet kushtetuese pa votim, Xhaferi ndërpreu seancën

Picture of ina-online
ina-online

18/08/2023

Parlamenti i Maqedonisë së Veriut ndërpreu seancën për ndryshimet kushtetuese.  Pas fjalimit të koordinatorit të grupit parlamentar të LSDM, Jovan Mitrevski, kryeparlamentari, Talat Xhaferi e ndërpreu seancën, përcjell INA.

Xhaferi bëri të ditur se do të japë informacione shtesë për vazhdimin.

Partitë e koalicionit qeverisës theksuan se këto ndryshime janë në frymën e Manifestit të Krushevës, në frymën e ASNOM-it, Marrëveshjes së Ohrit dhe se janë përgatitur nga një grup punues i përbërë nga ekspertë, profesorë të dëshmuar dhe disa universitete në vend, si dhe përfaqësues të partive politike.

“Me miratimin e ndryshimeve kushtetuese ne vazhdojmë rrugën evropiane drejt anëtarësimit të plotë në vitin 2030. Kjo është një mundësi historike për të cilën ne kemi mbështetje të fortë nga partnerët tanë SHBA dhe BE. Të rinjtë tanë, fëmijët tanë e meritojnë të jetojnë në një shtet anëtar të BE-së, por këtu, në shtëpi, në vendlindje”, tha Mitreski nga LSDM.

“Në momente të këtilla gjithë duhet të jenë optimistë dhe nuk guxojmë ta humbim shpresën, pavarësisht a do të kemi sot numrat ose jo, ne do të vazhdojmë të luftojmë deri në momentin e fundit”, deklaroi Arta Bilalli-Zendeli nga BDI.

“VMRO është partia që e çon ujin në mullirin e Bullgarisë, që nëse ata angazhohen për mbrojtjen e identitetit maqedonas dhe nëse nuk i nisim negociatat për BE, mund të ketë një fluks më të madh të maqedonasve që do të marrin pasaporta bullgare”, deklaroi deputeti i ASH-së, Halil Snopçe.

“Mos të hyjmë në prognoza, sot është ditë e rëndësishme ku do të shohim. Sipas informatave ‘Frontin Evropian’ e kanë pasur vetëm për ta mbajtur gjallë qeverisjen, jo integrimet apo interesat strategjike të shtetit”, deklaroi Izet Mexhiti nga Lëvizja Demokratike.

Pas përfundimit të seancës, koordinatori i VMRO-DPMNE-së, Nikolla Micevski, në një konferencë për media tha se nuk ka shumicë prej dy të tretash në Kuvend për amendamentet kushtetuese dhe se duhet të ketë zgjedhje.

Vendimi për nevojën e ndryshimeve kushtetuese merret me shumicë prej dy të tretave të numrit të përgjithshëm të deputetëve, që do të thotë të paktën 80 vota nga 120.  Për rendin e ditës të seancës së sotme kanë votuar 70 deputetë, që është sinjal se 10 deputetë mungojnë për të votuar ndryshimet kushtetuese.(INA)

TË FUNDIT
6 orë
Ariu mbyti dhe i ngrëni disa dele në Raven të Gostivarit
6 orë
“Mendimi i lirë nuk bie ndesh me Kushtetutën”, Presidentja e RMV mbron emrin “Maqedoni” para ministrit grek: Kam të drejtë të shprehem
8 orë
Lëvizja BESA vendosi për ministrat dhe zvministrin
8 orë
Gashi takohet me presidenten e Kosovës Vjosa Osmani
10 orë
Tetovë, mosmarrëveshje mes myftineve për kurbanet

ME TE LEXUARA

8 orë
Lëvizja BESA vendosi për ministrat dhe zvministrin
19 orë
Edhe tre ditë deri në përfundim të vitit shkollor, orë të shkurtuara për filloristët për shkak të të nxehtit
14 orë
Anketa e IPSOS: Fronti dhe VLEN me barazim
6 orë
“Mendimi i lirë nuk bie ndesh me Kushtetutën”, Presidentja e RMV mbron emrin “Maqedoni” para ministrit grek: Kam të drejtë të shprehem
19 orë
Gjykata civile SHKUP vendos: Qani Nesimi është myfti i Tetovës

LEXO MË SHUMË

ariu

Ariu mbyti dhe i ngrëni disa dele në Raven të Gostivarit

IMG_2967

“Mendimi i lirë nuk bie ndesh me Kushtetutën”, Presidentja e RMV mbron emrin “Maqedoni” para ministrit grek: Kam të drejtë të shprehem

IMG_2962

Lëvizja BESA vendosi për ministrat dhe zvministrin

IMG_2961

Gashi takohet me presidenten e Kosovës Vjosa Osmani

kurban dashi

Tetovë, mosmarrëveshje mes myftineve për kurbanet

kuvendi parlamenti

Ligji për Vetqeverisjen Lokale/ Fronti Evropian dhe LSDM-ja nuk mbështesin ndryshimet e ligjit!

partite kosove

Anketa e NDI në Kosovë: VV prinë, por ja si radhiten partitë e tjera

uns struge jeton shaqiri merko

Jeton Shaqiri tregon se çka ka nënshktuar për Universitetin Ndërkombëtar të Strugës

server

Server: Nuk zbutet Vuçiqi që ka pasur mentor Millosheviçin/ Ja pse përmend “Serbinë e madhe”

INFO

NA NDIQ